CHAPTER 90:
Maganda ang naging simula ng naisip na plano nilang grupo na makuha ang tiwala ni Samantha. Ngayon ay mas madali na nilang masusundan ang galaw ng dalaga kasama na ang galaw ng kanyang ama sa pamamagitan ni Carlo. Mula kasi nang nag-usap ang dalawa at nagkasundo ay hinayaan na ng gobernador na magpagala-gala ang binata malapit sa kanya.
Alam ni Carlo na hindi niya dapat lubusang pagkatiwalaan ang dalaga, ilang beses na siyang binalaan ni Owen tungkol sa bagay na iyon at likas na rin sa kanya na magdoble ingat. Dahil hindi naman talaga malabo na habang binabantayan niya ang kilos ng gobernador ay pinapabantayan na rin nito ang kilos niya. Tiyak na wala itong galaw na hindi alam ng kanyang ama at wala itong gagawin na hindi inutos ni Maestro.
Hindi natatakot si Carlo sa maarin
