CHAPTER 25:
Madilim na nang makauwi si Herlene sa bahay niya matapos makausap si Maestro. Hindi ganoon kadami ang nakuha niyang impormasyon, dahil pakiramdam niya ay hindi na tapat sa kanya ang organisasyon kagaya ng dati. Na para bang bigla na lang nag-iba ang trato sa kanya ni Maestro, pili na lang ang bagay na sinasagot nito tungkol sa mga tanong niya na may kinalaman sa partido noon ni Zacarias na nagbibintang umano sa kanya na siya ang pumatay sa kasamahan nila.
Hindi naman sana itatanggi ni Herlene ang bagay na iyon dahil hindi naman iyon mali, totoo naman talagang siya ang pumatay. Iyon nga lang, hindi makakatulong sa pagkakataong ito ang mabulgar ang isyung iyon dahil nga kaibigan niya si Zeldris at ayaw niyang magkaroon sila ng away na dalawa dahil sa nangyari.
Tatlong pangalan
