CHAPTER 39:
Hindi malinaw kay Shaika kung bakit siya ang naipain ng dalawa na mag-isang humarap sa binatang mayor. Magkakasama silang dumating sa opisina ni Zeldris, pero bago bumaba ng sasakyan ay pinilit nila ang dalaga na siya ang dapat humarap sa mayor dahil siya lang ang may lakas ng loob na bumoses at magsalita tungkol sa totoo nilang problema. At ang mas hindi maunawaan ni Shaika,ay kung bakit siya pumayag.
Ilang ulit niya mang tanungin ang sarili bakit siya pumayag ay wala na ring magagawa iyon dahil naglalakad na siya palapit sa mismong opisina ng mayor. Hindi na niya inabala pa ang sarili na hanapin ang sagot sa tanong niya dahil natuwa na siyang pagmasdan ang ibang tauhan ni Zeldris na animo’y natatakot pa rin sa tuwing nakikita siya. Pakiramdam niya, mas takot pa sa kanya ang
