CHAPTER 101:
Mula nang mamatay si Camille at magsimula ang sisi ng mga tao kay Zeldris tungkol sa nangyaring pagpatay sa kanyang vice mayor, mas tumindi ang pagbilis ng init ng ulo ng binata at madalas ay masungit na itong kausap. Kung dati ay nagagawa pa ng mga empleyado na batiin ito ng ‘good morning’ sa tuwing makikita nila itong papasok na sa kanyang opisina, ngayon ay wala na ni isa sa kanila ang may lakas ng loob na gawin iyon.
Gaya ng ibang empleyado ay ganoon din si Herlene, takot na rin siyang batiin si Zeldris. Malapit sila sa isa’t isa at may malalim silang pinagsamahan ng binata, ngunit dahil sa sama ng loob nito sa kanya dahil sa ginawa niyang pagpatay kay Zacarias, mas naging malabo para sa kanya na pakalmahin ang mayor sa tuwing maiinis ito sa mga nangyayari sa paligid niy
