CHAPTER 50:
Nang makalayo si Shaika kay Camille ay saka niya naman naisip na tila sobra naman ang kanyang ginawa. Sa sobrang pagkalito ng isip niya sa kung ano talaga ang totoo sa ipinapakita ng dalaga ay nakagawa pa siya ng hindi maganda na maaring ikasira rin ng pangalan niya. Kaya sa ayaw at sa gusto niya ay kailangan niya itong muling kausapin at bawiin ang mga salitang hindi maganda.
Balak niyang kausapin ito ulit ng lunch break, dahil iyon lang ang alam niyang oras na wala itong gagawin at hindi rin siya uutusan ni Zeldris. Kaya lang, laking pagtataka niya na hindi niya nakita ang dalaga sa mesa nito bago pa man magsimula ang lunch break. Sinubukan niya na ring itanong sa mga kasamahan nito kung saan maaring magpunta ang babaeng iyon pero wala ni isa sa kanila ang may ideya kung sa
