Jeffrey's POV
Pagkatapos kong maihatid si Trina sa sasakyan para paunahin sa pag-uwi, agad akong bumalik sa party. Ganoon na lamang ang kaba ko nang hindi ko makita ni anino ni Andrea. Inilibot ko ang mga mata ko para hanapin sya. Nasa medyo madilim na sulok ako kaya hindi aninag ng mabuti ang daraanan ko. Pipihit na sana ako nang biglang may malambot na katawan ang bumangga sa akin. Mabilis ang mga kamay kong hinawakan ang baywang nya upang di tuluyang mabuwal. Di sinasadyang nailapit ko ang katawan nya sa katawan ko. Hindi ko rin namalayang naipikit ko ang mata ko nang masamyo ko ang napakabango nyang amoy na nakakahalina. Nang makabawi ang babaeng pamilyar sa akin ang pigura at damit na suot ay napatitig sya sa aking mukha. Aninag ko ang napakaganda nyang mukha na naiilawan ng kaunting
