“Tamang-tama ang dating mo, Luke, kanina pa kami nagugutom! Pampagana ba ‘yang isang ‘yan? Mukhang malaman ang mga pisngi ng isang ‘yan! Parang baboyramo na niletson de letse!”
Nagtawanan ang mga kabataang mangalok na nakapalibot kay Luke at sa bihag nitong sakristan.
“Mga bugok! Wala na kayong inisip kundi kung kailan ang susunod niyong paglamon! Pero maski papaano’y nauunawaan ko ang inyong kalagayan. Ganiyang-ganiyan din ako ng bago pa lamang ako… sabik sa sariwang buto’t laman ng tao, sa mainit na sabaw ng kaniyang dugo, at siyempre pa, bago ihatag, ay tulo-laway muna tayong makikipagniig sa ating mismong uulamin sa sandaling iyon! Aaaaaahhhh…”
Pikitmata si Luke at ang mga bataan niyang mangalok habang ninanamnam nila sa kanilang isipan ang sarap na binanggit ng kanilang kinikilalan
