Papalakas ng papalakas ang t***k ng puso ni Dona habang palapit nang papalit ang sinasakyan nyang bridal car sa simbahan na pagdarausan ng kanyang kasal.
Malamig sa loob ng sasakyan, ngunit may mangilan-ngilang butil ng pawis ang kanyang sentido at noo. Nangangamba sya na baka mabura ang kanyang make-up. Pero duda sya roon dahil ang kinuha ni Sean na make-up artist ay isang eksperto na mga sikat na celebrity at kilalang tao lamang ang inaayusan.
Sa pakiwari nya ay may salamangka ang kamay ng baklang iyon, dahil ang dati nang magandang nyang mukha ay mas gumanda pa. Tila sya isang mannequin na dinamitan ng pangkasal. Di rin biro ang halaga ng kanyang suot. Gusto nyang manghinayang sa halaga niyon dahil isang beses lang naman isusuot. Pero gaya nga ng sinabi ni Sean, ang isang beses
