┈┈┈┈◦•✩•◦┈┈┈┈
"Ako ang kinakabahan sa'yo. Paano kung mabuntis ka?" Sabi ni Grace.
"Hindi ako mabubuntis. May iniinom ako para hindi na maulit ang katangahan ko nuon. Magpakasawa siya dahil sa ngayon... paiibigin ko siya ng paiibigin. Ibibigay ko ang lahat ng kagustuhan niya. Lahat nang magpapaligaya sa kanya ay ibibigay ko Grace, makita ko lang siyang lumuluha sa huli.
Sinabi na sa inyo ni Aurelio kung ano ang nangyari sa akin... hindi ba? Pinagtawanan ako ng mga tao. Itinaboy nila kami paalis ng Laguna. Salot daw kami, maruming babae daw ako. Pinagtawanan nila ako. Nilandi ko daw ang anak na lalaki ng mga Hendrickson. Kung ano-ano pa ang masasakit na salita ang natanggap ko dahil ikinalat ni Darwin ang kawalanghiyaan niya sa akin. Sinabi niya sa mga tauhan ng hacienda na nilandi ko
