• Eya •
Matapos ang hapunan ay dumiretso na agad kami ni nanay Merna sa kaniyang kwarto habang naiwan naman ang dalawang lalaki sa may sala at nag-uusap.
Pagkarating namin sa kwarto nina nanay Merna ay pumasok na agad kami at ang mahimbing na natutulog na Yesha ang agad na nadatnan namin.
Naupo ako sa may edge ng maliit na kama kung saan nakahiga si Yesha samantalang pinalitan naman ni nanay Merna ang bimpo na nasa noo nito ng bagong basang bimpo bago nito nilagyan ng thermometer si Yesha sa may kili-kili para tingnan ang temperatura nito.
"Kamusta po si Yesha?" hindi ko mapigilang tanong matapos ang ilang minuto.
Kinuha at tiningnan naman agad ni nanay Merna ang thermometer na inipit n'ya sa kili-kili ni Yesha bago n'ya ako binigyan ng tipid na ngiti.
"Bumababa na ang lagnat n'ya,"
