Matapos ang ilang minutong pakikipag-usap kay Tyron ay nagpaalam nang umalis si Ate Mira. Dinala na rin niya iyong pasalubong para sa pamilya ni Kuya Hiro at siya na ang nagpresentang maghahatid ng mga ito tutal ay madadaanan naman niya ang bahay nito.
Ilang sandali pa at nasolo na namin ni Tyron ang maliit naming bahay. Ilang beses na naman kaming nakapagsolo sa mansion nila, pero ngayon lang ako medyo kabado na may kasamang excitement na ewan!
"Hindi ka ba napagod sa biyahe?" tanong sa'kin ni Tyron habang magkatabi kaming nakaupo sa maliit naming sofa rito sa sala.
Nakapatong ang ulo niya sa balikat ko habang nilaro-laro niya ang mga daliri ko sa kamay. Kalmado lang akong tingnan pero deep inside ay nagrarambolan na iyong nerves ko!
Hindi pa rin talaga ako masanay-sanay sa presensya
