Simula umaga hanggang ngayong malapit nang maghahapunan ay nanatili pa rin sa bahay nina Tyron ang mga pinsan niya.
Hindi tuloy kami nabigyan nang pagkakataong makapag-usap nang sarilinan kasi pakiramdam ko ay ang daming mga matang nakatutok sa bawat kilos naming dalawa.
Sa pangungulit ni Juvy ay napilitan akong pumayag na lumabas kasama ito at ang ilan niyang mga pinsan na ipapakilala raw niya sa'kin.
Sina Zeke, Blue, at Harley ay buong araw na nakabuntot kay Tyron. Hindi man aminin ng mga ito ay malinaw kung sino ang paborito nilang tito. Si Alex naman ay paminsan-minsang may kinakausap sa cellphone habang kasama kami ni Juvy.
Nandito pa rin naman kami sa bahay pero simula kaninang tanghali ay inutusan kami ni Tyron na tumulong sa pagbabalot ng ilang first aid medicines at vitamins
