PASADO alas-otso ng gabi nang makauwi si Lia. Pagpasok sa garahe ay nakita niyang naroon na ang kotse ni Michael. Pagbukas niya ng pinto ay sinalubong siya ni Marie.
“Ma’am, nag-dinner na po kayo?” tanong nito.
Nakangiting tumango siya. “Oo, tapos na. Ang Sir mo?”
“Nasa kuwarto n’yo na po.”
“Anong oras siya dumating?”
“Maaga po, mga pasado alas-singko ng hapon nandito na siya.”
“Kumain na siya?”
“Opo. Kanina pa nga po hindi mapakali eh, mukhang nag-aalala, hinihintay po kayo.”
Napangiti siya ulit. “Sige. Salamat.”
Agad siyang dumiretso sa hagdan at umakyat sa kuwarto nila. Pagbukas ng pinto ay wala doon si Michael, pero mula sa loob ng walk-in closet kung saan matatagpuan din ang kanilang banyo ay naririnig niya ang malakas na lagaslas ng shower. Natigilan ito nang buksan
