“KUMUSTA na si Imee?” tanong agad ni Michael pagdating nila sa ospital ni Lia.
“Stable na ang kondisyon n’ya, pero unconscious pa rin simula noong tinakbo dito sa ospital. Ang sabi ng mga doctor, nakitaan ng high lead content ang katawan niya, pati na ang mineral water na ininom niya,” paliwanag ni Musika.
Halos ilang oras pa lang ang nakakalipas simula nang dumating silang mag-asawa mula sa Maldives. Mula sa airport ay agad silang dumiretso sa ospital kung saan naka-confine si Imee. Doon ay sinalubong sila nang naghihintay na niyang hipag si Musika.
“What about the suspect? Hindi n’yo pa rin nahahanap?” tanong naman ni Lia sa kapatid.
Umiling si Musika. “Wala pa rin. Lumipas pa ang sampung minuto bago ininom ni Imee ang softdrinks. And
