“BAKIT ang tagal mo?” bungad sa kanya ni Michael pagpasok sa pribadong opisina nito.
“Nagpang-abot kami ni Imee.”
Bigla itong napatayo. “What?”
Kinuwento niya ang mga narinig at naging komprontasyon nilang dalawa. Hindi rin nilihim ni Lia ang ginawa niyang pagsampal at pagbuhos ng tubig dito. Hanggang sa mga oras na iyon ay naiinis pa rin siya. Mayamaya ay hinawakan siya nito sa kamay at sumenyas na lumapit dito. Sinunod niya ito at agad siyang niyakap.
“Schatz, next time, umiwas ka na lang.”
Bumuntong-hininga siya.
“Susubukan ko. I just have to do that now. Kailangan ko ipakita sa kanya kung sino ang binangga niya. Kilala mo ako, Michael. Mabait ako, pero marunong akong lumaban. I don’t back down in any of my fights. At
