CHAPTER 77
Gusto niyang isantabi ang laging bumabalik na takot niya na maaring ilabas ni Bobby ang mga nakunan nitong litrato nila ni Justine. Si Bobby na tuluyan na niyang hindi matawagan dahil nagpalit na yata ito ng sim card. Iisa lang naman ang habol niya para makipagkita kay Bobby, ang kausapin itong huwag nang sumabay pa sa tindi ng mga problemang kaniyang pinagdadaanan. Hingin niya ang mga ginagamit nito para takutin sila ni Justine. Si Bobby na alam niyang nasaktan niya kaya ito naghihiganti, si Bobby na hindi matanggap ang pagkatalo, si Bobby na...
"Damn! Si Bobby nga!"
Tumigil siya sa pagsasayaw. Pilit niyang inaninag ng mabuti ang tumatawang iyon kaharap ang dalawang lalaki at isang babae. Lasing na siya. Dama na niya ang sipa ng alak kaya naman pati pagsayaw niya ay hindi na
