CHAPTER 59
"Sige kuya. Dapat magkaroon ka ng isang salita. Basta huwag mo nang patulan si Sir Bobby. Saka please, huwag mong inuunan yung emosyon mo sa trabaho. Akala ko ba ikaw ang magtuturo sa akin ng mga ganito? Anong nangyayari sa'yo?"
Huminga ng malalim si Justine. Umiling siya. Ramdam muli ang pagkapahiya.
Inalalayan ni Airish si Bobby na tumayo na noon ay duguan ang nguso. Isang mahaba at masakit na tingin ang iniwan ni Airish kay Justine bago ito pumasok sa kuwarto. Pagkatapos mangako si Justine kay Ralph ay umalis na din ang huli para makapagpahinga.
Naiwan si Justine na palakad-lakad sa labas ng kuwarto ni Bobby at Airish. Sukong-suko na siya. Alam niyang di na niya kayang pigilan pa ang dalawa. Umupo siya sa sulok ng parang talunan sa boksing. Sinapo ang ulo. Nagpakawala
