Chapter 36
Makasarili
Sinunod ko ang address na sinabi sa akin ni Vyanne, base na rin sa sinabi niya sa PM niya sa akin kanina. Hanggang ngayon ay okupado pa rin ako sa kung ano nga ba talaga ang nangyari sa kaniya. Sana'y binigyan man lang siya ng konsiderasyon sapagkat siya'y nagdadalang-tao. Ganoon na lang ba kalaki ang utang niya na hindi na kaya pang bayaran iyon ng kapatid ko?
Ilang sandali lamang ay nasa isang mall na ako sa Mandaluyong. Sa laki ng Megamall, halos inabot din ako ng isang oras kakahanap kay Vyanne sa dagat ng mga tao roon. Hanggang sa naaninag ko siya sa Dakasi na kasalukuyang umiinom ng kaniyang in-order. Panay pa ang sulyap niya sa kaniyang smartphone, mariing nakakunot-noo, marahil ay sinisilip niya kung nakarating na ako.
Humugot ako ng isang malalim na hinin
