Chapter 37
Magsasawa
Naging ganoon ang aking sitwasyon simula nang nalaman ni Vyanne ang sitwasyon ko. Halos lahat ng kita ko, sa kaniya napupunta. Wala na akong naitatabi kina Inang at Itang na siyang umaasa sa akin sa Maestranza. Gumagawa na lang ako ng mga dahilan sa kanila upang sila'y hindi manghinala.
Pakiramdam ko, ang buong katauhan ko ay pawang kasinungalingan. Sinasarili ko na lang lahat ng problema. Ang dami ko nang lihim sa mga taong nakakasalumuha ko. Ako lang ang nakakaalam, ako lang ang nakakaintindi sa sarili ko. Tanging ako lang.
Mali pa ba 'to? Mali pa ba nga 'tong ginagawa ko? Hindi ko rin alam. Ang gusto ko lang naman, hangga't nagagawa ko pang protektahan ang mga taong mahal ko, gagawin ko, kahit ako ang nasasaktan. Hindi ko alam na sa ginagawa ko, may isang taong
