Chapter 39
Alkalde
Ilang araw lamang din at nakakabawi na ang katawan ni Yesha mula sa pagkakasakit. Naibili namin ang mga gamot na kailangan niya at salamat sa Diyos, bumubuti na rin ang kaniyang kalagayan.
Lakng pasalamat ni Inang at Itang na naroroon ako at natutustusan namin ang pangangailangang gamot ni Yesha. Hinayaan ko na lamang sa huli, kahit na ilang beses ko nang sinabi sa kanila na hindi nila kailangang pasalamatan ako. Maluha-luha sila pareho dahil sa takot na baka mawala na sa amin ang kapatid ko. Hindi ko hahayaan na mangyari iyon. Kahit na wala nang matira sa kinikita ko, hindi ko hahayaan na mawala sa akin ang kapatid ko. At kusa ko itong gagawin hindi lamang kay Yesha ngunit para sa kanilang lahat. Ganoon ko sila kamahal.
Hindi ko pa rin nasasabi kina Inang na magkasa
