Chapter 23
Good Girl
Napapansin ko ang madalas na hindi pagpasok ni Justice sa aming klase. Hindi naman madalas na binibigyan ng atensyon ng aming professor dahil tingin ko, hindi niya makanti-kanti ang anak ng Mayor ng bayan.
Hindi ko tuloy maiwasang isipin na ako talaga ang may kasalanan kung bakit siya nagkaganoon. Ngunit hindi ko rin naman inaasahan na masyadong mabigat sa kaniya ang aking pag-iwas. Ganoon nga ba talaga kalalim ang nararamdaman niya sa akin? Na iyong mga sinabi ko, masyado niyang dinamdam?
"Donita!" nilingon ko ang humahangos na si Joy palapit sa akin.
Medyo nag-alala pa nga ako dahil bitbit niya ang kaniyang libro at nakayakap ito sa kaniyang dibdib.
Nang tuluyan nang nakalapit sa akin ay hinabol muna niya ang kaniyang paghinga. Isang malalim na paghinga ang kan
