Chapter 20
Family
"Donita, sa palengke ba ang daan mo ngayon?"
Napasulyap na ako sa nakangiting si Justice na halata ang sabik na magtungo sa aming puwesto sa palengke. Halos magda-dalawang linggo na nga noong dineklara niya sa akin na ako'y kaniyang liligawan.
Tumango ako. "Oo."
"Naku, kailangan ko na palang mas magtrabaho nang maigi. Marami-raming banyera siguro ang naroon, ano? Ayokong hahawak ka no'n, ha? Mabibigat 'yon. Hindi bagay sa 'yo ang nagbubuhat ng mabibigat. Hindi ka lalaki niyan."
Masyado siyang aktikbo at wala akong mapansin na pagkukunwari sa kaniyang mga mata. Para bang libang na libang pa siya sa kaniyang ginagawa. Kung tutuusi'y maraming ginagawa sa loob ng palengke at kapag naroon na ako, hindi ko siya pinapansin.
Akala ko nga'y magsasawa siya dahil ang mga gano
