Chapter 9
Kaarawan
Tinitigan ko nang mataman si Justice habang sumasagi pa sa isip ko ang sinabi niya kanina lang. Pinaningkitan ko na siya ng mga mata. "Ano'ng sinasabi mong hindi ako bagay ro'n?"
Kitang-kita ko ang pagkatigil niya. Hanggang sa nag-iwas siya ng tingin. "Wala," pasinghal niyang sinabi.
Natapos ang klase namin sa Spanish at awa ng Diyos ay naging maayos naman ang lahat. Naging maganda ang role play namin ni Justice. Mukha ngang na-research niyang maigi ang ginamit naming conversation sa play.
Nag-JEP muna ako nang dalawang oras. At pagkatapos noon ay natanggap kong muli ang allowance ko. Mapupunta ito sa iimpukin kong tuition fee. Kailangan kong habulin ang nagatos ko sa aking naimpok. Iyong nabawas dahil sa field trip ni Vyanne. Kampante pa naman ako na mahahabol ko i
