NANG makarating si Zandro at Gretchen sa labas ng bahay ni Dennis, hinarangan sila ng mga kalalakihan upang hindi sila makapasok sa loob.
"Sir, saan po ang punta ninyo?" tanong ng isa sa mga bodyguard na kinuha ni Dennis upang magbantay kay Rita.
Nagtaka si Zandro at ang pinsan nitong si Gretchen sapagkat may mga kalalakihan na nakabantay ngayon sa bahay ni Dennis. Kaninang umaga lang nang pumunta si Gretchen sa bahay ni Dennis ay wala pa ang mga lalaking iyon pero ngayon may mga nakabantay. Kung kaya't nag-isip sila ng paraan kung paano makakapasok sa loob ng bahay nito.
"Kaibigan ako ng boss niyo at pinapunta niya ako ngayon. Nandiyan na ba siya?" tanong ni Zandro sa lalaki.
"Nandito po si sir, pero wala naman po siyang sinabi na may kaibigan po siyang dadating ngayon. At hindi po k
