Tanghali na nang magising si Dennis habang mahimbing pa ring natutulog sa tabi niya si Rita habang nakayakap sa kaniya. Napangiti siya nang makita niya ang maamong mukha nito habang natutulog. Nanatili lamang siya sa kaniyang puwesto at hindi gumalaw nang sa ganoon ay hindi ito magising.
Tila pagod din siya sa nangyari kagabi sa pagitan nilang dalawa ng dalaga sapagkat iyon ang kauna-unahang beses na nakipagbakbakan siya sa kama. Nang muli niyang maalala ang nangyari kagabi sa pagitan nilang dalawa ng dalaga ay napapangiti na lamang siya. Hindi niya lubos maisip na naangkin na nga niya talaga ito ng ganoon kabilis. At masaya siya dahil magkasintahan na rin sila nang walang kahirap-hirap. Kahit na magkasintahan na silang dalawa hindi niya pa rin nakalimutan ang sinabi niya rito na liligaw
