LUMIPAS pa ang mga araw halos walang tulog at pahinga si Dennis kakahanap kay Rita. Muli rin siyang nag-hire ng mga tao upang ipahanap ang nobya. Kung saan-saan na silang lugar naghanap ngunit hindi pa rin nila ito mahanap-hanap. Nagpaskil na rin sila ng mga poster ni Rita sa mga lugar na maaari nitong mapuntahan, at namigay na rin sila ng mga flyers sa mga taong nakakasalubong nila. At magbibigay rin siya ng pabuya sa makakahanap at makapagturo kung nasaan si Rita. Ngunit ilang araw na ang lumipas wala pa ring kumukontak sa kanila.
Halos hindi mapakali si Dennis kakaisip kay Rita, sapagkat natatakot siya na baka may nangyari nang masama rito. Kung hindi na lang sana siya tumuloy sa site ng araw na iyon ay sana hindi ito na-kidnap.
Sinubukan ding sundan ng mga pulis noong araw na iyon a
