"Huwag kang magkakamaling sumigaw kung ayaw mong masaktan!" madiin ngunit mahinang wika ng taong tumutok ng patalim sa tagiliran ni Rita.
Tila nais maiyak ni Rita sa kaniyang sinapit ngayon. Akala niya makakauwi na siya kay Dennis ng matiwasay, ngunit hindi pa rin pala sapagkat panibagong pagsubok na naman ang kaniyang kahaharapin.
"Bumaba ka sa bus na ito at 'wag na 'wag kang gumawa ng maling hakbang kung ayaw mong itusok ko ang kutsilyong hawak ko sa tagiliran mo!" muling utos ng lalaki kay Rita.
Sinunod ni Rita ang utos sa kaniya ng lalaki dahil ayaw niyang totohanin nito ang pagbabanta nito sa kaniya. Nauna siyang pinababa ng bus habang nakasunod naman ito sa kaniya. Wala namang kaalam-alam ang mga pasahero at driver ng bus na may hold up-an nang nagaganap sa loob. Hanggang sa maka
