--------
***Arabella's POV***
-
Pagpasok ko sa bar, agad kong hinanap si Eryiel. May tumawag kasi sa akin—isang waiter na kakilala ko na nagsabing nandito ang pinsan ko at mukhang lasing na lasing. Hindi ko maisip kung bakit niya nagawang maglasing, gayong alam naman niyang bawal ito sa kanyang kalagayan. Buntis siya, at alam niyang maaaring makasama ito sa kanya at sa sanggol na nasa sinapupunan niya.
May mabigat ba siyang pinagdadaanan? Ano kaya ang dahilan ng kanyang pagpapakalasing?
Sa wakas, nakita ko rin siya. Agad akong humakbang palapit, at kahit hindi pa ako tuluyang nakakalapit, ramdam ko na ang tindi ng kanyang kalasingan. Hindi siya ang dating Eryiel na kilala ko—ang dating maingat at responsable, lalo na pagdating sa kanyang sarili. Ito ang napupuna ko sa kanya ngayon.
