Mabilis ang kanyang pagmamaneho ng kotse patungo sa bahay nila Nimfa. Ito ang kauna-unahan niyang pagpunta roon. Hindi niya alam kung paunlakan siya o itataboy ng magulang ng kanyang asawa.
Kailangan niyang sunduin ito. Hindi na siya sanay na hindi nakikita ang asawa. Kahit hindi sila magkasundo.
“Sana, nariyan ka lang sa inyo, Nimfa. Huwag kang lumayo, please,” piping dasal niya habang binabay ang mahabang kalsada.
Hindi niya kabisado ang lugar, dahil unang pagkakataon niya narating iyon. Nagmakaawa siya kay Speed Racer na sabihin kung saan ang bahay ng magulang ni Nimfa. Dahil sigurado siyang doon umuwi ang asawa.
Wala naman itong ibang pupuntahan kung hindi doon lamang.
Kanya rin nalaman sa mga tauhan niya sa mansion, hindi raw madalas lumabas ang asawa. Masaya na ito sa loob
