Biglang nagising si Erica mula sa mahimbing na pagkakatulog nang marinig ang pagbukas ng pinto ng kuwarto niya. Mabilis na nilingon niya iyon at napabuntong hininga nang makita ang nakangiting mukha ng kapatid.
“What do you want?” Inis na wika ni Erica na bumalik sa pagkakahiga.
“Good morning Erica! Rise and shine!” malakas na wika ng kapatid na sinundan ng malakas na pagtawa. Inis na tinakpan naman ni Erica ang buong katawan ng makapal na kumot saka mariin na pumikit. Gusto niyang bumalik pa sa pagtulog ngunit mukhang may ibang plano ang kapatid niya.
“Erica wake up!” Malakas na wika pa nito na ngayon ay nakaupo sa gilid ng kama niya. Nang hindi umimik si Erica ay nag-umpisa itong yugyugin siya hanggang sa matanggal ang kumot na nakatakip sa mukha niya.
“Get out!” inis na sigaw niya p
