Natigilan si Felix. Sinubukan pa nitong ngumisi ulit pero hindi na iyon umabot sa mata. "Teka lang... Seryoso ka ba sa sinabi mo?"
"Yes! At ayokong nakikitang hinahawakan mo siya."
"Y-you're jealous?"
"Yes. I am."
"Hunter..." Tumango-tango ito, habang gumuguhit sa mga mata ang pagkalito at halo-halong emosyon. "You're jealous because you're falling for her. Wow."
Umiwas siya ng tingin. Oo na. Inaamin na niya! He's falling for her, alright? At hindi siya papayag na may umagaw kay Amber mula sa kaniya. Lintik lang! Inaamin na niya sa sariling hulog na hulog na siya sa hilaw niyang asawang sagad sa buto ang pagkainis niya!
"Seryoso ka na ba sa kaniya? Mahal mo na ba si Amber?" seryoso nitong tanong sa kaniya habang nakikipagtitigan.
Nakikipagtagisan naman siya. "Ano ngayon, Felix?
