Anong ibig sabihin ng pinagsasabi no'ng babae?! Nagdi-date pa rin ba ang dalawa kahit kasal na sila?! At ano 'yung sinasabi nitong makikipagbalikan si Hunter?!
"Sinasabi ko na nga ba! Sinasabi ko na nga ba!"
Gigil niyang tinitigan ang screen ng mamahaling phone ni Hunter. Sa totoo lang ay gusto niya itong ihambalos sa dingding! Bwisit na Hunter!
"Tanginaaaa!" Mariin siyang nagmura nang paulit-ulit. "Ito na nga ba ang sinasabi ko, Hunter! May pa I love you ka pang nalalaman, litse ka!"
Tumayo siya at binuksan ang salaming bintana saka niya buong lakas na ibinalibag sa labas ang mamahaling phone. Sinundan niya pa talaga ang pagbagsak no'n and CRACK! Wasak!
Saka lang niya napagtanto ang kasalanang kaniyang ginawa. Lagot. Tiyak magagalit sa kaniya si Hunter!
Pero sino ba sa kanila ang
