Malakas na buntong-hininga ang pinakawalan ni Amber. Nakatalikod siya sa gawi ng shower room kung saan naliligo si Hunter. Katatapos niya lang kanina magbihis ng pantulog nang bigla itong pumasok sa kwarto para maligo.
Sa pagkakaalala niya, ito ang unang beses na naligo roon si Hunter habang naroon siya. Madalas kasi ay hindi.
Hindi niya maiwasang kabahan. Ano'ng gagawin niya kapag hiniling nitong may mangyari sa kanila mamaya? Wala na si Felix sa bahay, sino ang kakatok sa pinto para istorbohin sila ulit?
Nanuyo ang lalamunan niya sa kaba. Nagtungo siya sa maliit na fridge sa kwarto at kumuha ng tubig sa pitsel. Pagkainom niya ay saktong tumunog ang kaniyang phone. Nahigit niya ang hininga nang makita sa screen ang pangalan ng tumatawag. 'Mommy Salem'.
"M-mommy! Napatawag ho kayo?"
