------
***Azalea's POV***
-
Halos apat na buwan na ang lumipas mula nang lisanin ko ang bahay ni Yashir at muling magbalik sa San Martin.
Pansamantala akong nanirahan sa mansyon ng kanilang pamilya. May sarili akong private nurse na laging nakaalalay sa akin—lalo na’t maselan ang aking pagbubuntis. Ramdam ko pagmamalasakit nina Don Savino at Donya Saskia sa akin. Nais sana nila na isama na rin sa paninirahan sa mansyon sina Itay at Inay, ngunit mariin itong tinanggihan ng aking mga magulang. Alam kong may malalim silang dahilan, at bagama’t hindi nila ito tahasang sinabi, nauunawaan ko kung bakit. Kaya’t hindi ko na rin sila pinilit.
Iginigiit ni Itay na manatili sa kanyang trabaho sa farm, sa kabila ng ilang ulit na alok ni Don Savino ng mas maginhawang trabaho o oportunidad. Kahit a
