KINABUKASAN, maaga pa akong nagising dahil may pasok na ngayong araw si Draven kaya kailangan kong ihanda ang baon niya, bago ako bumangon sa aming kama ay ginising ko muna ang asawa ko upang makapaghanda na rin ito.
Nang magising siya ay nagtungo na ako sa banyo upang maghilamos at mag gargle.
"Bilisan mo na riyan at baka mahuli ka sa trabaho mo," ani ko nang makalabas na ako mula sa banyo.
"Yes, Boss," tugon niya at nagtungo na rin agad ito sa banyo upang maligo.
Paglabas ko sa aming silid ay sinilip ko muna saglit si Drianna sa kwarto nito nang makita kong malalim pa ang tulog nito ay sinara ko na agad ang pinto ng kwarto niya saka bumaba.
"Good morning po, Ate!" bati sa akin ng aming kawaksi nang makita ako nito.
"Nakahanda na po ang almusal sa dining area, may iuutos pa po ba
