"Anak." Napakurap-kurap ako ng marinig ko ang boses ni Nanay at saka lang din ako bumalik sa tamang huwisyo.
"Ayos ka lang ba, anak? Sinaktan ka ba ni Draven?" sunod-sunod na tanong ni Nanay sa akin sa nag-aalala nitong boses.
"Maupo ka nga muna, anak ikukuha muna kita ng tubig." Umupo naman agad ako sa isang dining chair samantalang si Nanay kinukuhanan ako ng tubig mula sa pitsel.
"Ito inumin muna ng kumalma ka," ani ni Nanay sabay abot ng tubig sa baso.
Nang makita ko ang malamig na tubig sa baso ay saka ko lang naramdaman ang pagkauhaw kaya sinaid ko agad ito. Saka ko lang din napagtanto na nakaalis na pala ang hayop kong ex dahil wala ng humaharang sa harapan ko.
"Okay ka na ba?" tanong ni Nanay sa malambing nitong boses.
Bigla akong nakaramdam ng panghihina dahil sa tinanong
