Nagising ako ng maramdaman ko ang mainit na hininga ni Draven sa aking batok. Iba na pala ang posisyon naming dalawa kapwa na kami nakatagilid at nakakangalay na rin lalo pa't bihag pa ng kanang braso niya ang maliit kong katawan. Hindi rin makakadaan ang hangin sa pagitan naming dalawa dahil pinagkasya lamang namin ang aming mga katawan dito sa backseat.
Nang mapatingin ako sa bintana ng kotse niya ay madilim na rin kung kaya't nabahala agad ako at ginising ko na si Draven. Agad din itong nagising kaya nagsiayos na rin kami pagkatapos ay bumalik na kami sa front seat.
"Okay ka lang?" malambing niyang tanong sa akin.
"Oo naman, ikaw?" ganting tanong ko rin sa kaniya.
"Okay lang din," tugon naman niya.
"Uwi na tayo, baka magtaka na sina Nanay kung bakit wala pa ako sa bahay ng ganit
