CHAPTER THIRTY-NINE
AMBER'S POV
MABILIS akong napahiwalay kay Nanay nang makarinig kami ng kalabog mula sa sala. Kinain ng kaba ang dibdib ko nang maalala ko si Zeus na naiwan ko sa sala. Nawala ito sa isip ko dahil sa naging pag-uusap namin ni Nanay.
"Putangina ka! Hayp ka! Anong ginagawa mo sa pamamahay ko?!"
Sabay kaming napatayo ni Nanay nang dumagundong sa buong kabahayan ang galit na galit na boses ni Tatay.
Nagkatinginan kami nito at saka sabay na patakbong lumabas mula sa kusina papunta sa sala.
"Lumaban ka! Lumaban ka!"
"Hindi po ako lalaban, Sir...hindi po ako lalaban."
"Labanan mo ako, San Diego! Lumaban ka, matapang ka lang kapag anak ko na ang sasaktan mo!" sigaw ni Tatay.
Tila nilamukos ang puso ko nang makita kong nakaupo si Zeus sa sahig ng bahay namin habang
