“I'M so happy for you, Novah!”
Nailayo ko mukha dahil sa tili ni Sidney. Narito siya ngayon sa apartment ko at dinadalaw ako. Sinabi ko rin sa kaniya ang relasyong mayroon kami ni Ravi. Kaaalis lamang ni Ravi upang pumasok sa kanyang opisina. Hindi sila nagtagpo ni Sidney.
“Ssh. . . wag kang maingay, may baby sa kabilang apartment. Hindi sound proof ang bahay.” Suway ko sa kanya.
Naisara niya ang bibig pero tumatakas pa rin ang tawa niya. Kumuha siya ng chips sa bowl at nginuya. “Hindi ako makapaniwala. Masaya ako para sayo pero parang masiyado atang mabilis ang mga nangyayari.” Maingay siyang ngumuya kaya naman inabutan ko siya ng canned soda.
“Kahit ako, hindi rin ako makapaniwala. Sa sobrang bilis, tinanggap ko nalang dahil iyon naman talaga ang nararamdaman ko noon pa. Gusto ko
