Naglalakad si Cyril sa hallway papunta sa department kanyang asawa nang napahinto siya dahil makakasalubong niya si Brix na ang dilim ng mukha. Parang may hinahanap ito dahil nagpalinga-linga ito. Hindi siya nito napansin dahil sumisilip pa ito sa mga nakabukas na pinto. Huminto siya sa paghakbang at pinagmasdan ang ginawa nito.
Ngayon lang uli niya ito nakita pagkatapos ng insidente sa pool na ‘yon pagkalipas ng apat na araw. Hindi na kasi niya ito nakakasalubong ulit at hindi pa siya nito pinupuntahan sa kanilang department. Pakiramdam niya ay iniiwasan pa nga nitong magkasalubong sila. Naisip siguro nito na may ideya na siya sa nangyari sa kanila ni Butch dahil kaibigan ito ng asawa niya. Well, hindi niya alam kung ano ba talaga ang nasa isip nito pero nakahinga siya ng maluwag dahil a
