Pagkagising ni Cyril kinaumagahan ay agad na kinapa niya ang higaan ni Adam. Mainit pa iyon kaya alam niyang nauna na siguro itong nagising. Hindi niya namalayan kung anong oras bai to pumasok ng kuwarto nila dahil nakatulugan na niya ang paghihintay dito. Kagabi’y muli niya itong kinatok sa study room pagkatapos niyang makaliigo ngunit hindi ito umiimik. Wala rin siyang narinig na ingay sa loob. Kaya naman kahit nalulungkot siya at nasasaktan sa pag-iignora nito ay bumalik siya sa kanilang kuwarto at nahiga para hintayin na lang ito. Hindi lang niya inaasahan na hintay pa talaga nitong mahimbing na ang tulog niya saka ito papasok.
Bumungtong-hininga siya at walang kabuhay-buhay na bumangon at bumaba ng kama saktong tumayo siya ay lumabas naman ng kuwarto si Adam na katatapos naligo at tu
