TAMIE
Maya't maya ang tingin ko sa hagdan. Ilang minuto na rin simula ng dumating sina Kuya Ralphie at Ate Taniella. Pagkatapos ko maghugas ng paa dahil sobrang dumi ay sabay-sabay kami kumain ng almusal. Ngayon nga ay nasa study room ang magkapatid at kami naman ay nasa sala. Mukhang masinsinan ang pinag-uusapan nilang dalawa kaya mas pinili nilang doon mag-usap.
“Kumusta kayo rito, Tamie?” agaw ni Ate Tanie sa atensyon ko.
“Okay lang, ate. Mas magiging masaya kasi may kasama kaming aso sa bahay,” nakangiting sabi ko habang nakatingin kay Sakari at Tristan na magkatabi sa sofa. Mukhang nalilibang na ang kapatid ko sa aso ni Kuya Rhann dahil hindi na siya humihiwalay rito.
“Mukhang nagkakasundo na kayo ni Rhann, tama ba?”
Alanganin akong ngumiti. “Medyo po. Pero hindi pa rin po ma
