TAMIE
“Kayo po ang kuya ni Tam?” tanong ni Prince.
“Ano'ng kuya? Hindi n'ya ako kuya!” Bakas ang inis sa boses ni Kuya Rhann. Parang may hindi ito nagustuhan sa sinabi ni Prince.
Pumihit paharap sa akin si Kuya Rhann kaya tiningala ko siya. Madilim ang mukha niya at para na naman siyang kakain ng buhay.
Hinawakan niya ang kamay ko at basta na lang ako hinila palayo kay Prince. Bigla ako nakaramdam ng hiya sa kanya dahil sa inasal ni Kuya Rhann sa harap niya. Sana man lang inayos nito ang pakikipag-usap sa kanya.
“Nahuli lang ako ng dating, nakikipag-usap ka na sa kanya? Ayoko ng malalaman na nakikipaglapit ka sa kanya, ha,” sabi nito habang nasa daan na kami pabalik sa bahay.
“Hindi ako ang lumapit sa kanya, s'ya ang lumapit sa ‘kin,” pagtatanggol ko sa sarili.
“Nakipag-usap ka
