TAMIE
Nang magising ako ay nabungaran ko ang puting kisame. Nang nilibot ko ang tingin sa loob ay nakita ko si Kuya Denmark na nakaupo sa sofa, nakatuon ang atensyon nito sa phone na hawak nito kaya hindi nito napansin na gising na ako. Nang bumangon ako ay saka niya ako binalingan.
Kaagad itong tumayo at lumapit sa akin. “Ms. Tamielina, huwag muna kayong bumangon.”
“N-nasaan ako?” nanghihina na tanong ko.
“Nasa ospital ka.”
“Ayoko dito, Kuya Denmark.” Kahit nahihilo ay umalis ako sa kama at tumayo. Muntik na akong matumba kung hindi lang ako nito naagapang alalayan.
“Hindi ka pa magaling. May sakit ka kaya hindi ka pa pwede lumabas ng ospital.” Inalalayan niya akong maupo sa kama. “Tatawagan ko si, Boss Rhann. Sasabihin kong gising ka na.”
Alam niya na narito ako sa ospital p
