TAMIE
Malulutong na mura ang narinig ko mula sa kanya ng lumabas siya ng silid. Hindi ko narinig ang paliwanag niya kaya pinatunayan lang niya na totoo nga ang sinabi ni Felice na babaero siya.
Pagkatapos ko magbihis ay hindi na ako lumabas ng silid. Lumabas lang ako ng tinawag ako ni Manang Susan na kakain na raw ng tanghalian. Tinanong ko kung sasabay ba si Kuya Rhann dahil kung kasabay ko ito ay hindi na lang ako kakain. Ayon dito ay hindi pa raw lumalabas ng silid si Kuya Rhann kaya nakahinga ako ng maluwag.
Dahil wala si Tristan ay mag-isa lang akong kumain. Sabi ko nga kay Manang Susan na saluhan ako pero tinanggihan niya ako.
“Narinig ko kayong nagtatalo ni Rhann kanina,” basag ni Manang Susan sa pananahimik ko sa hapag-kainan. Abala ito sa pagbabalat ng manggang hilaw.
“Wal
