TAMIE
Kaagad ako nag-iwas ng tingin ng akma niya akong susulyapan. Binawi ko ang kamay ko sa pagkakahawak ni Prince sa paraang hindi ko ito mapapahiya sa dalawang kasama ko.
“Thank you, Prince,” tukoy ko sa pag-alalay nito sa akin palabas ng gymnasium. “Ang galing mo pala maglaro. Pasensya ka na kung maingay kami. Hindi na mauulit,” nahihiya na sabi ko.
Matamis siyang ngumiti. “It's okay, Tam. Mabuti nga at nakuha n'yo kaagad ang atensyon ko. Kanina ko pa nga kayo hinihintay.”
Ngumiti lamang ako.
“Prince, let's go!” yaya kay Prince ng team niya.
“Sige, Prince. Uuwi na rin kami.” Binalingan ko ang dalawa na pilya ang mga ngiti sa labi habang nakatingin sa amin ni Prince. “Uuwi na rin kayo, ‘di ba?”
“Ah, oo, Prince. Hindi lang talaga namin pinalampas ang laro mo,” sagot ni Vergie
