TAMIE
Habang nasa himpapawid ay hindi ko maiwasan mamangha sa mga nakikita ko sa ibaba. Sobrang ganda pagmasdan ng malawak na karagatan mula rito sa itaas. Hindi naman ako takot sa matataas na lugar kaya na-e-enjoy ko habang nasa itaas kami.
Hindi kalayuan ay may nakita na akong Isla kaya binalingan ko si Kuya Rhann. “Iyon na ba ang Forbidden Island?” Tinuro ko ang isla na nakita ko.
Nakangiting tumango siya. Puno ako ng excitement na muling binalingan ang isla. Dito pa lang sa itaas ay maganda na tingnan, paano pa kaya kapag nakatuntong na ako mismo sa Isla?
Mayamaya ay lumapag na ang chopper. Sobrang mangha ko sa lugar ay hindi ko napansin na nakababa na pala si Kuya Rhann. Inabot ko ang kamay niya na nakalahad sa harap ko bago ako inalalayan bumaba. Inakbayan niya ako at inakay p
