TAMIE
Wala kaming masyadong ginawa sa first day ng klase. May mga teacher lang na pinasulat kami ng ‘Tell me about yourself’ at binigay rin sa kanila. Maaga rin kaming pinalabas ng last teacher namin kaya napagpasyahan namin nina Vergie at Keffie na tumambay muna sa quadrangle. May mga bench dito na nasa tabi ng malalaking puno kaya hindi masyadong mainit kahit mataas ang sikat ng araw. Medyo mahangin din kasi kaya presko pa rin.
“May lahi kang Chinese, Keffie?” tanong ko kay Keffie na may lollipop sa bibig. Co kasi ang middle name nito kaya baka half-Chinese ito. Halata rin naman sa kanya dahil may pagka-singkit ang mata niya.
Tinanggal nito sa bibig ang lollipop bago pinasada sa labi nito. “My mother is Chinese. Si papa ang pure pinoy.” Tama nga ako. “How I wish na sana hindi Co ang
