TAMIE
Nakapaskil ang malawak na ngiti ko sa labi habang tinatahak namin ang daan patungo sa D'Amico School. Araw ng Lunes ng umaga at ngayon na ang araw na papasok ako sa D'Amico School.
Unang hinatid ni Kuya Rhann si Tristan sa school nito. Puno ng excitement ang kapatid ko ng hinatid namin siya sa school niya. Natawa na nga lang ako ng pinagtabuyan niya kami ni Kuya Rhann dahil kaya na raw niya mag-isa.
“Excited?” tanong ni Kuya Rhann.
“Sobra,” mabilis kong sagot.
“I thought you didn't like private school?”
“Sinabi ko po ba ‘yon?” maang-maangan na sabi ko. Malutong naman siyang tumawa habang nakatuon ang atensyon sa daan.
Wala na ako magagawa kung gusto niya akong mag-aral sa private. Hindi na dapat ako mag-reklamo dahil mayroong mga tao na pinagtutuunan kami ng pansin ng kap
