TAMIE
Masama pa rin ang loob ko sa mga nakalipas na araw dahil sa ginawa ni Kuya Rhann. Ilang araw ko na rin siyang hindi pinapansin. At mukhang, the feeling is mutual dahil maging ako ay hindi niya pinapansin. Siya pa talaga ang may ganang magalit samantalang walang paalam niyang binura ang lahat ng Korean actors sa phone ko. Ako dapat ang magalit sa kanya, hindi s'ya!
“Tamie, pasuyo naman ako nitong pagkain ni Rhann. Nagpapahatid kasi sa kwarto n'ya. May gagawin pa kasi ako.” Hindi ko na nagawang magprotesta ng inabot ni Manang Susan sa akin ang hawak niyang tray. “Mag-meryenda na rin kayong dalawa ni Tristan pagkahatid mo niyan sa kanya.”
Bumuntong-hininga ako. “Sige po.”
Wala akong choice dahil ako ang inutusan. Hindi ko naman pwede utusan si Tristan dahil baka mabitawan niya it
